१२ मंसिर २०७९, सोमवार

बुधबार रातिदेखि भारी वर्षा हुने !



मौसम पूर्वानुमान महाशाखाले बुधबार रातिदेखि देशका विभिन्न भागमा भारी वर्षाको सम्भावना रहेको बताएको छ । प्रदेश १, २, बागमती, गण्डकी र लुम्बिनी प्रदेशका केही र सुदूरपश्चिम र कर्णाली प्रदेशका थोरै स्थानमा भारी–धेरै भारी वर्षाको सम्भावना रहेको महाशाखाले जनाएको छ । 
मंगलबार साँझ विशेष मनसुन बुलेटिन निकाल्दै महाशाखाले बुधबार रातिबाट न्यूनचापीय रेखा तराई भूभाग नजिक आउने र केही दिनसम्म सोही क्षेत्रमा रहने सम्भावना रहेकाले भारी वर्षाको सम्भावना रहेको बताएको छ । नेपालको पूर्वी तराईको भूभागनजिक मनसुनको न्यूनचापीय रेखा रहेको कारण विगत एक–दुई दिन अगाडिबाट नेपालमा मनसुन सक्रिय रहेको महाशाखाले बताएको छ । आवश्यक सतर्कता अपनाउन पनि महाशाखाले अनुरोध गरेको छ ।
महाशाखाले निरन्तर अनुगमन गरिरहेको छ र सोहीअनुसार नियमित रूपमा अद्यावधिक गर्दै जानेसमेत बताएको छ ।

Leave a Reply

Your email address will not be published. Required fields are marked *