सुरेश छन्त्याल/ गलकाेट
गलकोट नगरपालिका वडा नं १० पाण्डवखानीमा प्रभु बैङ्क गलकोटद्वारा सामाजिक सुरक्षा भत्ता वितरण गरिएको छ । सामाजिक सुरक्षा भत्ता गलकोट नगरपालिका वार्ड नं १० पाण्डवखानीको रमुवामा वितरण गरिएको छ ।
उक्त सामाजिक सुरक्षा भत्ता वितरणमा कार्यक्रममा वडा सदस्य रामप्रसाद वि.क, वडा सचिव ठाकुर तिमिल्सिना, प्रभु बैंक गल्कोटका संचालक प्रमुख शिशिर बम मल्ल, विपिन थापा, दुर्गा बहादुर थापा, सुरक्षा कार्ड खिमबहादुर मल्ल लगायतको सहभागिता रहेको थियो।
ज्येष्ठ नागरिक, दलित , एकल महिला , पूर्ण अशक्त , पूर्ण अपांग ,दलित बालबालिका गरि जम्मा ६८ जनालाई ५ लाख ४ हजार २ सय वितरण भएको र भाेलि विहान १० बजे देखि वडा कार्यालयबाट सामाजिक सुरक्षा भत्ता वितरण हुने बैंकका सञ्चालन प्रमुख शिशिर बम मल्लले जानकारी दिनुभएको छ ।
